galizart

« Tradición, cambio e innov... | Weblog | Inspiración en común. Con... »

Vari Caramés en Salasal

A SALASAL o proxecto alternativo de galería dedicada á fotografía continúa coa súa programación, a partir do 30 de Abril, presenta CORREOS, traballo inédito de Vari Carames creado arredor do edificio de Correos na Coruña, unha viaxe poética de volta á orixe. O autor revisa e presenta un traballo nunca mostrado anteriormente, se ben algunha das imaxes e mesmo das personaxes, coma o elefante do cartaz, aparecen noutras series do fotógrafo, aquí, vémolas desde outro punto de vista, acompañando ao edificio racionalista, un dos máis singulares da cidade. Ao seu redor Vari Caramés crea de novo un mundo de suxestión, delirio e misterio, como el mesmo nos di “somos o que fotográfamos”, na súa linguaxe visual o cotián conforma unha vez máis o diario íntimo onde se expresa.

Poderedes desfrutar do seu traballo desde o 30 deste mes na SALASAL no Linda Rama na rúa Porta de Aires, 4, na Cidade Vella da Coruña.