MARCO. Proxectos Anexo 2017

O MARCO, Museo de Arte Contemporánea de Vigo, lanza unha convocatoria aberta para a programación do Anexo 2017, sala de proxectos ubicada no vestíbulo principal do museo.

 
Este lugar tivo diferentes usos dende a apertura do MARCO en 2002, principalmente como espazo de tenda-libraría, ata o ano 2014. Dende xaneiro de 2015 funciona como sala de proxectos (recuperando o espírito do anterior Espazo Anexo na praza peonil posterior).
 
Seguindo un dos signos distintivos do MARCO, a liña de programación do actual Anexo pon especial énfase na produción propia: trátase de proxectos específicos para este espazo, formulados como ciclos de exposicións como parte dun mesmo comisariado, con periodicidade anual. O Anexo acolleu ata o momento os ciclos de exposicións “Intertextual” (2015) e “Problemáticas” (2016) .
 
O Anexo é un espazo que dispón dunha situación privilexiada no vestíbulo do MARCO, con acceso independente das outras salas do edificio e como lugar de tránsito entre o Museo e outros servizos, o que permite afrontar novos usos.
 
Esta convocatoria ofrece a oportunidade de programar a actividade do Anexo entre marzo de 2017 e xaneiro de 2018.
 
O prazo límite para a presentación dos proxectos é o 28 de xullo de 2016. Non se aceptarán proxectos recibidos con posterioridade a esta data.
 
Para calquer dúbida ou cuestión relacionada na presentación dos proxectos, contactar no enderezo electrónico info@marcovigo.com
 

martes 07 xuño 2016

En CONVOCATORIAS | Sen comentarios | Permalink






Enviar un comentario

Nome:
Correo electrónico:
URL:
O teu comentario:

sintaxe html: deshabilitado




Google+

Visita el perfil de galizart de Pinterest.
Follow my blog with Bloglovin

Follow



Instagram